Þá er nýji félagsbúningurinn kominn í hús og tilbúinn til sölu. Eins og er eigum við flestar stærðir í karla og kvenna sniðum. Fyrstir koma fyrstir fá, en það verður hægt að pannta jakka síðar ef stærðirnar passa ekki eða seljast upp. Hægt er að hafa samband við Svein T. eða Guðrúnu Önnu varðandi mátun á jökkunum.

Félagið mun eiga jakka í barna stærðum sem lánaðir verða út eftir þörfum.

Eins og áður hefur komið fram á heimasíðunni tók Anna Kristín Friðriksdóttir þátt í Youth Cup leikunum sem fram fóru í Danmörku fyrr í mánuðinum. Fyrirkomulagið á leikunum er þannig að fyrstu dagana fá krakkarnir tækifæri til að kynnast lánshestum og taka þátt í skipulögðum æfingum á vegum liðstjóra þeirra landa sem taka þátt. Anna fékk lánshest hjá Agnari Snorra Stefánssyni Djákna frá Votmúla.