Velkomin á heimasíðu Hrings

Úrtaka fyrir landsmót

Þriðjudagur, 25. Maí 2010 23:10
Þar sem hestaflensan fer nú eins og eldur í sinu á milli hesthúsa hjá okkur Hringsfélögum höfum við ákveðið að fella niður gæðingamótið og úrtökuna fyrir landsmót sem vera átti 29. maí. Þess í stað höfum við ákveðið að fara í samstarf við Léttismenn og halda með þeim tvö úrtökumót sem fram fara laugardaginn 5. júní og síðaramótið þann 19. júní. Félagsmenn Hrings geta mætt á annað hvort mótið eða bæði og bestu einkunnir tryggja mönnnum svo landsmótssæti. Nánari upplýsingar er að finna á heimasíðu Léttis www.lettir.is. Mikilvægt er að athuga að skrá verður strax í bæði mótin þar sem í raun er um eitt mót að ræða í tveimur umferðum. Eftirfarandi upplýsingar eru af heimasíðu Léttis:
Nánar...

Hagaganga.

Þriðjudagur, 25. Maí 2010 11:00

Opnað hefur verið fyrir haga félagsins neðan við Böggvisstaði. Sú breyting hefur orðið á fyrirkomulagi hagagöngu að nú skaffar hestamannafélagið einungis haga fyrir félagsmenn. Öðrum er bent á að hafa samband við tæknideild Dalvíkurbyggðar í sambandi við leigu á hólfum. Varðandi afréttarupprekstur er bent á fjallskilastjóra. Verð fyrir hagagöngu er: kr 3500 per hest fyrir engöngu sumarbeit (Dalvíkurhólf og hólf í Ytra Holti), kr.4000 per hest (Dalvíkurhólf, Ytra-holt og Sauðanes.) Eyðublöð er hægt að nálgast á síðunni hér til hliðar undir "Félagið" - "Eyðublöð". Skal þeim skilað ásamt kvittun fyrir greiðslu til Steinars Steingríms. áður en slept er í hólfin.

Anna Kristín á FEIF YouthCup

Laugardagur, 22. Maí 2010 12:00

FEIF Youth Cup er haldið annað hvert ár og að þessu sinni verður mótið haldið í Kalø í Danmörku 10.-18. júlí 2010. Íslenski hesturinn, liðsheild og alþjóðleg menning eru einkennisorð mótsins. Þar gefst unglingum og ungmennum á aldrinum 14-17 ára víðsvegar að úr heiminum kostur á að koma saman og keppa í hestaíþróttum.
Íslenskum unglingum og ungmennum gefst kostur á að fara fyrir hönd Íslands á mótið og rann umsóknarfrestur út um síðustu mánaðarmót.

Anna Kristín Friðriksdóttir var meðal þeirra sem valin var af Æskulýðsnefnd LH og verður því fulltrúi Íslands í Damnörku í sumar. Til hamingju Anna Kristín. :)

Nánar...

Gæðingamót og úrtaka fyrir LH

Fimmtudagur, 20. Maí 2010 21:48

Samkvæmt mótaskrá er áætlað að halda Gæðingamót Hrings og úrtöku fyrir landsmót laugardaginn 29. maí. Við viljum biðja þá sem ætla að taka þátt í mótinu að fylgjast vel með hér á heimasíðunni næstu daga þar sem blikur eru á lofti vegna þess að hestaflensan alræmda er komin upp á svæðinu. Á morgun er samráðsfundur allra helstu aðila sem eiga aðkomu að landsmóti þar sem meta á stöðuna og reyna að fá einhverja mynd af umfangi vandans á landsvísu. Þegar niðurstaða þess fundar liggur fyrir mun mótanefnd koma saman og meta stöðuna og reynum við að gefa út nýjar upplýsingar um mótið um helgina.

Smitandi hósti í hrossum

Fimmtudagur, 20. Maí 2010 13:38

Eins og allir hafa tekið eftir hefur hóstapesti herjað á hesta víða um landið. Fram til þessa hefur Hringsholt verið laust við pestina, en að öllum líkindum hefur pestin slegið sér niður hjá okkur. Nokkur dæmi eru um hósta og nefrennsli. Samkvæmt upplýsingum er mikilvægt að hross sem talin eru smituð, sé gefið frí til að jafna sig. Annars bendum við hestamönnum að kynna sér upplýsingar varðandi veikindinn á vef matvælastofnunnar sem og á öðrum hestavefmiðlum.

Fleiri greinar...