Velkomin á heimasíðu Hrings

Fiskidagskappreiðar.

Miðvikudagur, 12. Maí 2010 01:04

Fréttatilkynning frá mótanefnd.

Eins og fram hefur komið á viðburðadagatali félagsins er fyrirhugað að halda Fiskidagskappreiðar fimmtudaginn 5.ágúst. Hugmyndin á bak við kappreiðarnar er að mynda áhorfendavæna íþrótta-hestakeppni þar sem allir geta fylgst með, bæði reyndir sem óreyndir í hestaheiminum. Í kringum fiskidag er mikið um manninn í sveitarfélaginu og teljum við þetta góða viðbót við aðra viðburði á svæðinu og tilvalin skemmtun fyrir m.a. gesti fiskidagsins. Í dag var það svo ljóst hver aðal styrktaraðili mótsins yrði. Prómens á Dalvík hefur ákveðið að koma að mótinu með myndarlegum hætti og þar með er það tryggt að veglegt verðlaunafé verður í boði fyrir 3 efstu sæti í hverri grein. Hversu stór potturinn endanlega verður í hverri grein ræðst af þáttöku þar sem prósentuhlutfall af skráningargjöldum munu renna í pottinn.

Mótið er að sjálfsögðu opið öllum og vonumst við til að sjá sem flesta - takið daginn og (fiskidags)helgina frá. Nánari upplýsingar munu verða birtar á heimasíðu félagsins sem og öðrum hestamiðlum.

Mótanefnd Hrings

Firmakeppni Hrings.

Þriðjudagur, 11. Maí 2010 00:31

Á laugardaginn síðastliðinn fór firmakeppni félagsins fram á vellinum við Hringsholt. Ágætis þátttaka var í mótinu og voru sýnd tilþrif á vellinum. Úrslitin munu birtast innan tíðar.

Þökkum við eftirtöldum fyrirtækjum fyrir þátttökuna í ár:

Nánar...

Æfing hjá börnum og unglingum.

Þriðjudagur, 11. Maí 2010 00:27

Eins og viðburðadagatal gerir ráð fyrir verður æfing hjá börnum og unglingum um helgina. Gert er ráð fyrir að þetta verði síðasta skipulagða æfingahelgin. Vonast er til að geta sýnt atriðið sem börnin hafa æft síðar, og verður það auglýst nánar þegar að því kemur. Við reynum að hafa einhverjar upplýsingar varðandi þá sýningu um helgina. Hóparnir verða þeir sömu og voru í vetur og tímasetningar einnig þær sömu.

Æskulýðsmót og firmakeppni

Mánudagur, 03. Maí 2010 00:43
Seinna Æskulýðsmót Hrings fer fram í Hringsholti laugardaginn 8. maí. Að þessu sinni verður keppt á keppnisvellinum okkar úti. Keppt verður í sömu flokkum og með sama fyrirkomulagi og síðast en flokkaskiptingu má sjá hér að neðan. Keppni hefst kl. 13:00 og skráningum skal lokið fyrir kl. 20:00 fimmtudaginn 6. maí og skal skráning fara fram í gegnum heimasíðu félagsins. Á forsíðu er farið í flipann "Félagið" og neðst í valstikunni er hægt að velja "Skrá í mót". Skráningargjald er kr 500 á hverja grein í barna - unglingaflokki. Pollar eru gjaldfrjálsir. Greitt er fyrir þátttökugjöld á staðnum.
Nánar...

Frábær 1. maí.

Laugardagur, 01. Maí 2010 23:48
Í dag var hin árlega 1. maí reið hestamannafélagsins. Um 60 knapar ungir sem aldnir lögðu af stað frá Hringsholti um 12:00 í dag. Það hefur sjaldan farið eins fríður hópur og í dag, enda veðrið eins og best var á kosið, sól og brakandi blíða. Sérstaklega gaman var að sjá öll börnin sem hafa verið á æfingum í vetur og áttu reyndar að vera á Æskan og hesturinn á Sauðárkrók í dag, en sýningunni var frestað vegna hóstapestar. Börnin riðu með foreldrum fram á Jarðbrú þar sem að tekin var pása áður en haldið var heim aftur.
Nánar...